كتاب حبيب نفسانيpdf للكاتب حاتم صبري
 |
| كتاب حبيب نفسانيpdf |
كتاب حبيب نفساني:
كتاب حبيب نفساني هاذ برشحه لأي حد لسه ماحبش أو بيعيش في مرحلة الحب أو عايز يتعافى من تجربة حب فاشلة
لأن الكتاب بيناقش كل الكلام ده بأسلوب علمي بسيط وسلس وباللغة العامية بعيداً عن المصطلحات العلمية المعقدة
والأهم من وجهة نظري ان المؤلف طبيب نفسي مارس المهنة واحتك بكل الناس اللي مرت بتجربة الحب
الكتاب معمول فيه مجهود ضخم الحقيقة كتاب بيناقش الحب من وقت ما كنا في اللفة لحد ما بنكبر
بيناقش الهرمونات اللي لها علاقة بالحب
بيناقش ازاي تتعافى من تجربة حب فاشلة
بيناقش الحيل النفسية اللي بنعملها عشان نبرر أو نستحمل تجربة حب محكوم عليها بالفشل
وأخيراً ايه هي شكل العلاقة المريحة
وصف كتاب حبيب نفساني:
الكتاب ده مهم جدا لكن الناس تقراه هيجاوب علي اسئلة كتير جدا لينا بخصوص الموضوع ده، ويخليك تفهم نشأة كل إحساس بجيلك ليه علاقة بالحب وامراص الحب ومراحله وايه معناه اصلا، ويعني إيه علاقة مريحة وعلاقة غير مريحة و اتعافي منها إزاي، وغير كل ده إن مبني علي أساس علمي وبطريقة مبسطة جدا جدا.
غلاف كتاب حبيب نفساني:
 |
| كتاب حبيب نفساني |
مراجعة كتاب حبيب نفساني للكاتب والطبيب النفسي حاتم صبري:
ريفيو من غير ما نتكلم فيه عن الغلاف، بحس إنه ناقص، الغلاف جميل لكن مش للمحتوى ده، وده أنا عندي صدام الغلاف هياخد العلامة ولا لأ! نقول في الأخر..
الكتاب على فصول، من أول مرحلة اللفة، أو كما سماها الكاتب" الحب من زمن اللفة" العنوان غريب ومُلفت لإنك تسيب كوباية الشاي وتقرب من الكتاب أكتر عشان تفوكس أكتر يمكن تكون فاهم غلط!
دكتور حاتم بيقول إن المرحلة دي هي السبب في تكوين شخصيتنا! واستند هنا "بفرويد" وقسم المرحلة على 3 مشتقات" الفمية، الشرجية، القضيبية، الكمون"
طبعًا الموضوع يصعب سرده في مراجعة عشان منظلمش الكتاب، بعدها بيكلمنا عن نشأة الحُضن، والقبلات، والعلاقة الجسدية، وحب لمؤاخذة المؤخرة! والكلام الحلو، وحب الهدايا، وإحساس الأمان، وباقي المشتقات ال9.
وبعدها انتقل إلى مرحلة المراهقة وليه بنقع في حبنا الأول اللي فالغالب بيكون من غير معايير ولا مقومات، وأسباب فشله..
والفصل اللي كان محبب لقلبي حتى أثناء التصحيح" الحب قي زمن الكيميا" وده بقى بيتكلم عن الهرمونات والأعصاب والخلايا اللي شغلانتها الشعور بأي شيء.. الكتاب مميز، أول مرة يدهوني أستاذ شريف، قالي هند تصححي علم نفس، قولت له بلاش كتب، راح بعتهولي برضه، وحقيقي لما تعاملت في الكتاب وبدأت أتعمق فيه لقيت نفسي بعامله زي الكنز، اللي هو إحنا نقرأ الكتاب بمزاج وبعدها نصححه، وحقيقي كنت متمزجة جدًا بالمحتوى..
لغة الكتاب عامية لطيفة، الكاتب طبيب متخصص في الطب النفسي وأمراض المخ والأعصاب، يعني هتقرأ محتوى مدروس ومحسوب كويس..
في عيب وحيد ف المجمل، بعض الفصول كنت حابة الاستفاضة فيها أكتر، عشان القارئ يلاقي حجج ويقتنع أكتر.. الكتاب هياخد 4 علامات من 5 استمتعت جدًا بالمحتوى، نشكر دكتور حاتم ع إنه كتب لنا محتوى مش هيتكرر تاني ..... تعليق هند سعد الدين.
إقتباسات من كتاب حبيب نفساني:
نبذة عن الكاتب حاتم صبري:
حصل الدكتور حاتم صبري على بكالوريوس الطب والجراحة، وماجستير الطب النفسي وأمراض المخ والأعصاب بالإضافة إلى علاج الإدمان
وقد درس حاتم صبري التحليل النفسي وتدرّب على أيادي كثيرة لأساتذة في مجال التحليل النفسي بمصر
وأصبح الآن صبري رئيس مجلس إدارة والمدير الفني لمستشفى الشمس للصحة النفسية وعلاج الإدمان
معلومات حول كتاب حبيب نفساني:
كتاب: حبيب نفساني
المؤلف: حاتم صبري
اللغة: العامية
الناشر: دار تويا-القاهرة
لآسف لا يمكن معاينة الكتاب في موقعنا هذا أو تحميله حفاظاً على حقوق نشر المؤلف ودار النشر